Cofnodion - Y Pwyllgor Busnes

Lleoliad:

Video Conference via Zoom

Dyddiad: Dydd Mawrth, 9 Ionawr 2024

Amser: 09.00 - 09.13

Preifat

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Lesley Griffiths AS Darren Millar AS Rhun ap Iorwerth AS
Staff y Pwyllgor:	Graeme Francis (Clerc) Yan Thomas (Dirprwy Glerc)
Eraill yn bresennol	Jane Dodds AS David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Siwan Davies, Cyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Julian Luke, Pennaeth Pwyllgorau Polisi a Deddfwriaeth Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

Croesawodd y Llywydd yr aelodau i’r cyfarfod. Cafwyd ymddiheuriadau gan Heledd Fychan. Roedd Rhun ap Iorwerth yn bresennol yn ei lle.

</AI1>

<AI2>

2 Cofnodion y Cyfarfod Blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

Rhoddodd y Trefnydd wybod i’r Rheolwyr Busnes am yr ychwanegiadau a ganlyn:

· Datganiad gan y Dirprwy Weinidog Gwasanaethau Cymdeithasol: Adolygiad Gwasanaeth Tân ac Achub De Cymru o ddiwylliant a gwerthoedd (30 munud)

· Datganiad gan Weinidog yr Economi: Y diwydiant lled-ddargludyddion cyfansawdd (30 munud)

· Datganiad gan Ddirprwy Weinidog y Celfyddydau, Chwaraeon a Thwristiaeth: Cofrestru a thrwyddedu statudol ar gyfer llety ymwelwyr (30 munud)

· Ni fydd cyfnod pleidleisio.

· Nid yw'r Cyfarfod Llawn yn debygol o fynd y tu hwnt i 5.45pm.

Dydd Mercher

· Caiff y Cyfnod Pleidleisio ei gynnal cyn y Ddadl Fer.

· Nid yw'r Cyfarfod Llawn yn debygol o fynd y tu hwnt i 7.10pm.

</AI4>

<AI5>

3.2 Busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth am y tair wythnos nesaf:

Dydd Mawrth, 16 Ionawr 2024

· Datganiad gan y Gweinidog Iechyd a Gwasanaethau Cymdeithasol: Trefniadau dwysáu ac ymyrryd (30 munud)

· Datganiad gan y Gweinidog Cyllid a Llywodraeth Leol: Ystadau Cymru (30 munud)

· Rheoliadau Cynlluniau Gostyngiadau’r Dreth Gyngor (Gofynion Rhagnodedig a'r Cynllun Diofyn) (Diwygio) (Cymru) 2024 (5 munud)

· Dadl: Ffyniant Bro (60 munud)

Dydd Mawrth 23 Ionawr 2024

· Datganiad gan y Gweinidog Cyfiawnder Cymdeithasol a’r Prif Chwip: Strategaeth Tlodi Plant Cymru (45 munud)

· Datganiad gan Weinidog yr Economi: Economi Blaenau’r Cymoedd (30 munud)

· Datganiad gan y Dirprwy Weinidog Gwasanaethau Cymdeithasol: Gweithredu Deddf Partneriaeth Gymdeithasol a Chaffael Cyhoeddus (Cymru) 2023 (30 munud)

· Datganiad gan y Gweinidog Iechyd a Gwasanaethau Cymdeithasol: Adnewyddu Memorandwm Cyd-ddealltwriaeth gyda Sefydliad Iechyd y Byd Ewrop (30 munud)

· Rheoliadau Gwin (Diwygio) (Cymru) 2024 (15 munud)

</AI5>

<AI6>

3.3 Amserlen y Senedd ar gyfer y tair wythnos nesaf

Cytunwyd ar yr ychwanegiadau canlynol i amserlen Busnes y Senedd am y tair wythnos nesaf:  

Dydd Mercher 31 Ionawr 2024 -

• Dadl ar Gynnig Deddfwriaethol gan Aelod (30 munud)
• Dadl ar ddeisebau P-06-1359 a P-06-1362 ynghylch cymorth ar gyfer costau gofal plant (30 munud)
• Dadl ar adroddiad blynyddol y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol ar Gysylltiadau Rhyngwladol 2022-23 (60 munud)
• Amser a neilltuwyd i’r Ceidwadwyr Cymreig (60 munud)
• Dadl fer: Sarah Murphy (Pen-y-bont ar Ogwr) (30 munud)

</AI6>

<AI7>

4 Deddfwriaeth

</AI7>

<AI8>

4.1 Amserlen Bil Senedd Cymru (Aelodau ac Etholiadau)

Cytunodd y Pwyllgor Busnes ar amserlen ddiwygiedig ar gyfer Bil Diwygio’r Senedd, gan nodi’r terfyn amser newydd ar gyfer trafodion Cyfnod 2, sef 15 Mawrth 2024.

Hefyd cytunodd y Pwyllgor i gyflwyno cynnig yng Nghyfnod 2, o dan Reol Sefydlog 26.17(iii), i ofyn am gytundeb y Senedd i drafodion Cyfnod 2 ar y Bil gael eu hystyried gan Bwyllgor o'r Senedd gyfan.

</AI8>

<AI9>

4.2 Diweddariad ar gyfer Femoranda Cydsyniad Deddfwriaethol

Cytunodd y Pwyllgor Busnes i wneud yr hyn a ganlyn:

• cyfeirio'r Memorandwm ar y Bil Diwygio Lesddaliadau a Rhydd-ddaliadau ar gyfer craffu at y Pwyllgor Llywodraeth Leol a Thai a’r Pwyllgor Deddfwriaeth, Cyfiawnder a’r Cyfansoddiad gyda dyddiad cau ar gyfer cyflwyno adroddiad ar 15 Mawrth 2024.
• cyfeirio'r Memorandwm ar y Bil Lles Anifeiliaid (Allforion Da Byw) ar gyfer craffu at Bwyllgor yr Economi, Masnach a Materion Gwledig a’r Pwyllgor Deddfwriaeth, Cyfiawnder a’r Cyfansoddiad gyda dyddiad cau ar gyfer cyflwyno adroddiad ar 15 Mawrth 2024.

</AI9>

<AI10>

5 Pwyllgorau

</AI10>

<AI11>

5.1 Llythyr gan Gadeirydd y Pwyllgor Deisebau - cais am slot ar gyfer dadl

Cytunodd y Pwyllgor Busnes i gais y Pwyllgor Deisebau i gynnal dadl ar ddeisebau P-06-1359 a P-06-1362 ac i drefnu’r ddadl ar gyfer 31 Ionawr 2024.

</AI11>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>